Қазақстанда ертеңнен бастап карантин талаптары жеңілдейді

Денсаулық сақтау министрі Алексей Цой 20 қазаннан бастап Қазақстанда карантин жеңілдетілетінін айтты, деп хабарлайды Azattyq Rýhy.

Үкімет отырысында министр эпидемиологиялық жағдайдың тұрақталғанын, сондай-ақ вакцинациялауға жататын халықтың 70 пайыздан астамы екпе алғанын айтты.

Нәтижесінде ВАК 2021 жылғы 20 қазаннан бастап рұқсат беру туралы шешім қабылдады:

• келушілер COVID-19-ға қарсы вакцинациялаудың толық курсын алғаны туралы құжатты немесе ПТР анықтамасын ұсынған кезде қарттар мен мүгедектер үйі, балалар үйі сияқты медициналық-әлеуметтік объектілердің пациенттеріне баруға рұқсат беріледі.
• түнгі клубтардың қызметі тек «жасыл» статусы бар азаматтарға арналған, олардың толтырылуы 50 пайызға дейін, бірақ:

«жасыл» аймақта 100 адамнан аспауы тиіс;
«сары» аймақта 70 адамнан аспауы тиіс;
«қызыл» аймақта 50 адамнан аспауы тиіс.

• Ashyq жобасына қатысатын бизнес нысандардың жұмыс уақытын ұзарту:
• «жасыл» аймақта 03:00-ге дейін, Ashyq жобасының көшбасшылары – 05:00-ге дейін;
• «сары» аймақта 01:00-ге дейін, Ashyq жобасының көшбасшылары – 03:00-ге дейін.