Елорда арқылы жүретін пойыздар кешігіп, вокзалда хаос туындады

Елорда арқылы қатынайтын пойыздар таңертеңнен бері өз уақыттарынан кешігіп жатқандықтан, Нұр-Сұлтан-1 вокзалында хаос туындады, деп хабарлайды Azattyq Rýhy тілшісі.

«11қазанда техникалық себептер бойынша Нұр-Сұлтан қаласы маңындағы Қырқыншы станцияда Нұр-Сұлтан-1 станциясынан келетін және кететін жолаушылар пойызы қозғалысының жұмыс кестесі бұзылды. Бұл вокзалда адам санының көбеюіне әкелді», - деп мәлімдеді «Қазақстан Темір жолы» ҰК баспасөз қызметі.

Белгілі болғандай, Қырқыншы станцияда теміржолды жөндеу жұмыстары жүргізілген. Қазір барлық пойыздар өзі кестелері бойынша қайта жолға шықты. Тек Нұр-Сұлтан – Сарыағаш бағытындағы пойыз жету уақытынан кешігуі мүмкін.