Головкин пен Альварес 2020 жылдың күзінде жұдырықтасады

Промоутер Эдди Хирн Геннадий Головкин мен Сауль Альварес арасындағы үшінші жекпе-жек 2020 жылдың қыркүйегінде болатынын мәлімдеді деп хабарлайды Sports.kz.

Хирннің айтуынша, қыркүйекке дейін қазақстандық кәсіпқой боксшы Камил Шереметамен, ал, «Канело» Билли Джо Сондерспен немесе Каллум Смитпен кездеседі.

«Головкинмен өтетін трилогия жайында айтар болсам, "Канело" онымен қыркүйекте жұдырықтасады, бізде нақты стратегия бар, сол бойынша жүріп келеміз. Мен трилогия боларына сенімдімін. Бұл жекпе-жекті сіздер 2020 жылы көресіздер. Головкин Деревянченкомен кездесті, енді рингке наурыз және қыркүйек айларында оралады. Ал, Сауль болса алдымен Сондерспен немесе Смитпен жұдырықтасады», - деді Эдди Хирн.