QAZAQ AIR компаниясы Bek Air жолаушыларын тасымалдауға дайын екенін мәлімдеді

Бұл туралы компания Instagram парақшасында жазды

Фото: ашық дереккөзден

Bek Air ұшағына билет алған жолаушылар QAZAQ AIR әуе компаниясының билеттерін тиімді бағамен ала алады, деп хабарлайды Azattyq Rýhy тілшісі. Бұл туралы компания Instagram парақшасында жариялады. Онда QAZAQ AIR әуе компаниясы Алматы маңындағы ұшақ апаты салдарынан рейсі тоқтатылған жолаушыларды қабылдауға дайын екені айтылған.

«2019 жылдың 31 желтоқсанына дейін Bek Air билеті бар жолаушылар QAZAQ AIR рейстеріндегі бос орындарды ала алады. Мұндағы билеттер бағасын Bek Air билетінің бағасынан асырмаймыз», - деп жазылған компанияның ресми парақшасында.

Билет сатып алу үшін flyqazaq.com брондау қызметін қолдануға болады.

Мақалада

#Алматы #Ұшақ апаты #Bek Air #Алматыдағы ұшақ апаты

Алдыңғы жаңалық

Ұшақ апаты: құтқару шараларына мыңға жуық адам жұмылдырылды