Нұр-Сұлтанда салынып жатқан тұрғын үй кешенінің аумағында өрт шықты

Өрттен зардап шеккендер жоқ

фото ашық дереккөзінен алынды

Нұр-Сұлтан қаласында салынып жатқан тұрғын үй кешенінің аумағында өрт шықты, деп хабарлайды Төтенше жағдайлар департаментінің баспасөз қызметі.

«24 қыркүйек күні сағат 19:35 минутта Нұр-Сұлтан қаласы ТЖД Өрт сөндіру бөлімшесіне Кенесары көшесі 3А мекен-жайынан түтін көрінгені туралы хабарлама келіп түсті. Өрт сөндірушілер оқиға орнына 7 минутта жетіп, салынып жатқан тұрғын үй кешенінің аумағында 50 шаршы метр алаңда рубероид пен жиналған қоқыс жанып жатқаны анықталды», - делінген хабарламада.

ТЖД мәліметінше, өрт сөндірушілер өртті сағат 19:49-да ауыздықтап, 19:57-де толықтай сөндірді. Қаза болғандар мен зардап шеккендер жоқ.