Владимир Путин мен Сооронбай Жээнбеков Қазақстан халқына көңіл айтты

Ресей Федерациясының президенті Владимир Путин ҚР Президенті Қасым-Жомарт Тоқаевқа Алматы маңында болған әуе апатына байланысты көңіл айту жеделхатын жолдады.

«Ресей халқы ұшақ апатынан қаза болғандардың туған-туыстарының қайғыларына ортақтасады. Қайғылы апаттан зардап шеккен жандардың тезірек сауығып кетуін тілейміз», - делінген хабарламада.

Апатқа байланысты Қырғызстан басшысы Сооронбай Жээнбеков те телеграмма жолдады.

«Алматы-Нұр-Сұлтан әуе рейсі апаты салдарынан қаза тапқан адамдар туралы хабарды зор күйзеліспен қабылдадық. Қырғыз халқы мен өз атымнан қаза болғандардың отбасыларына, туған-туыстарына қайғырып көңіл айтамын. Апаттан зардап шеккендердің тезірек сауығып кетуіне тілтестік білдіреміз», - делінген.

Сондай-ақ ҚХР сыртқы істер министрі Гэн Шуан мен Иран сыртқы істер министрлігінің ресми өкілі Аббас Мусави Алматыдағы ұшақ апатына байланысты Қазақстан жұртына көңіл айтты.