ШұғылКоронавирусты жұқтыру қарқынында өсім байқалды

ШҚО-да алкогольді ішімдік ішкен 44 жасөспірімнің ата-анасына айыппұл салынды

Панасыз қалған 54 бала кәмелетке толмағандарды бейімдеу орталықтарына орналастырылды

фото ашық дереккөзден

Шығыс Қазақстан облысында алкогольді ішімдік ішкен 44 жасөспірімнің ата-анасы жауапқа тартылды, деп хабарлайды облыстық полиция департаментінің баспасөз қызметі.

Облыста 13-19 қыркүйек аралығында «Жасөспірім» жедел алдын алу шарасы жүргізілді. Негізгі мақсат – кәмелеттік жасқа толмағандардың алкоголь, есірткі және психотропты заттарды тұтыну фактісін анықтау, жасөспірімдер арасындағы қылмыстың алдын алу.

«Жеті күн ішінде түнгі уақытта көшеде жүрген кәмелетке толмаған 640 бала анықталды. Әкімшілік құқық бұзушылық жасағаны үшін полиция бөлімшесіне 736 жасөспірім жеткізілген. Бала тәрбиесі бойынша міндетін орындамаған 54 ата-ана жауапқа тартылды. Сондай-ақ алкогольді ішімдік ішкен кәмелеттік жасқа толмаған 44 баланың заңды өкілдеріне айыппұл салынды», - деп хабарлады ведомство өкілдері.