Үлкен теннистен Қазақстан чемпионатының жеңімпаздары анықталды

Елордада үлкен теннистен ерлер мен әйелдер арасындағы Қазақстан чемпионаты аяқталды, деп хабарлайды Olympic.kz. 

Әйелдер арасындағы финалдық бәсекеде Гозал Айнатдинова мен Жібек Құламбаева кездескен болатын. 3 сағат 24 минутқа созылған тартысты матчта 5:7, 7:6, 6:3 есебімен Жібек жеңіске жетті. 

Ерлер арасындағы ақтық сында алматылық Денис Евсеев пен Тимофей Скатов жолығып, Тимофей өз мансабында алғаш рет Қазақстан біріншілігінің алтын медалін жеңіп алды.