Бұл биыл ғарышқа жол тартқан 15-ші ресейлік зымыран
Байқоңыр ғарыш айлағынан «Фрегат» үдемелі блогы бар «Союз-2.1б» зымыран тасығышы ұшырылды, деп хабарлады Роскосмос.
Нұр-Сұлтан уақытымен түнгі 12-ден өте ғарыш аппараты зымыраннан сәтті ажырады. Ракета орбитаға 34 британдық «OneWeb» байланыс спутнигін алып шығады.
Айта кетейік, бұл биыл ғарышқа жол тартқан 15-ші ресейлік зымыран. Бұған дейін «Союз-2 1б» 22 тамызда көкке самғады.
