ШұғылЕлімізде коронавирустың таралу қарқыны бәсеңдеді

Қазақстандағы ең жас ЖОО ректоры тағайындалды

Лаура Қарабасова - «Болашақ» бағдарламасының түлегі

фотосуретте: Лаура Қарабасова және Асхат Аймағамбетов

Ақтөбе қаласындағы Қ.Жұбанов атындағы Ақтөбе өңірлік университетінің жаңа ректоры болып 34 жастағы Лаура Қарабасова тағайындалды. Су жаңа басшы республика бойынша ең жас ректорлардың тізіміне енді. Бұл туралы университеттің Facebook-тегі парақшасында жарияланды.

Бұған дейін ректордың міндетін университет проректоры Рахым Бекназаров атқарған.

Салтанатты шараға ҚР Білім және ғылым министрі Асхат Аймагамбетов пен облыс әкімі Оңдасын Оразалин қатысты.

«Осы университетке келудегі басты мақсат – кадр мәселесі. Конкурс жарияланып, Директорлар кеңесінің отырысында бұл мәселе бірнеше рет қаралды. Республикалық комиссияның шешімімен Лаура Қарабасова университеттің ректоры болып тағайындалды. Лаура Қарабасова М.Құсайынов атындағы дарынды балалар мектебін үздік бітіріп, одан кейін осы университетте білімін жетілдіріп, кейін «Болашақ» бағдарламасы бойынша Ұлыбританиядағы ең беделді ЖОО-лардың бірі Уорик университетін тәмамдаған. Сонымен қатар Назарбаев университетінде білімін жалғастырып, сол университетте менеджер мамандығынан бастап, департамент басшылығына дейін көтерілді. Осындай дүниежүзілік деңгейдегі білімімен, біраз тәжірибе жинақтай отырып Лаура Чапайқызы өз университетіне жұмыс істейтін болады», - деді министр өз сөзінде.

Жаңа ректор Лаура Қарабасованың жасы 34-те. Осылайша ол республика бойынша ең жас ректор атанды.