421 оқушы коронавирус жұқтырды

Вирус жұқтырған балалармен қарым-қатынаста болған 3 мыңнан астам оқушы тексеруден өтті

Фото: ашық дереккөзден

Жаңа оқу жылында 421 оқушыдан коронавирус анықталды. Бұл туралы ҚР ДСМ санитарлық-эпидемиологиялық бақылау комитеті төрағасының орынбасары Зәуре Ахметова хабарлады.

«Бүгінде білім беру ұйымдарындағы санитарлық-эпидемиологиялық ахуалды бақылау ең басым бағыттардың бірі болып отыр. Оқу жылы басталғаннан бері 421 сырқаттану жағдайы тіркелді. Әрбір жағдайға орай эпидемиологиялық тексеру жүргізілді. Эпидемиологиялық тексерудің нәтижесінде аталған балалардың демалыс кезінде-ақ ауырғаны және коронавирус инфекциясын жұқтырғандармен қарым-қатынаста болғаны анықталды», - деді ол.

Тексеруден өткен оқушылардың арасында 3 баланың ғана коронавирус жұқтырғаны ПТР тест арқылы анықтады.

«Бұл жұмыс күнделікті жүргізіледі. Сырқаттану жоғары шегіне жеткен 6 тамызда елімізде 8 325 адам ауырды, оның 651-і - оқушылар. Яғни, коронавирус инфекциясының білім беру ұйымдарында таралуына жол бермеу үшін қатаң карантиндік іс-шаралар қабылданған», - деді Зәуре Ахметова.

×
Бұл желілік ресурстың ақпараттық өнімдері 18 жастан асқан адамдарға арналған.