ТМД елдері ойындарында қазақстандық спортшылар 5 медаль жеңіп алды

3 күміс және 2 қола медаль еншілеген Қазақстан құрамасы жалпы командалық есепте төртінші орында тұр

ТМД елдерінің ойындарында қазақстандық спортшылар бес медаль алды, деп хабарлайды ҚР Мәдениет және спорт министрлігінің баспасөз қызметі.

Бүгін ТМД елдері арасындағы спорт ойындарында боз кілем шеберлері бірнеше салмақта кіл мықтыларды анықтады. «Ақ Барыс» жекпе-жек сарайында қазақстандық балуандар бес медаль олжалады.

Мадияр Мәулетқанов (63 келі) финалда Беларусь балуаны Глеб Макаренкодан жеңіліп, күміс жүлдегер атанды. Одан кейін 67 келі салмақта Дінмұхаммед Қошқар әзербайжандық Хасрат Жафаровқа есе жіберіп, ел қоржынына күміс медаль салды.

77 келі салмақ санатында өнер көрсеткен Расул Жүніс ресейлік Ислам Әлиев пен әзербайжандық Муроджон Әлімжановтан кейінгі үшінші орынға жайғасып, қола медаль алды. Сондай-ақ 87 келі салмақта Мақсат Сайлау күміс жүлдегер атанды. Ал 130 келі салмақта боз кілемге шыққан Асылбек Жәнібекұлы жұбаныш белдесуде қола медальға қол жеткізді. Беларусь спортшысы Никита Ковальскийді жеңген әзербайжанды Сархан Маммадов алтын медаль иеленді.

 

 

 

×
Бұл желілік ресурстың ақпараттық өнімдері 18 жастан асқан адамдарға арналған.