Канадада білім алып жатқан Қазақстан азаматы көз жұмды – СІМ

Жол-көлік оқиғасы салдарынан қаза тапқан Дамир Құсайын есімді азаматтың жасы небәрі 19-да

Фото: mfa.gov.kz

Торонто қаласында үш жігітті көлік қағып, екеуі көз жұмған. Қаза тапқан студенттің бірі – Қазақстан азаматы.

«Торонто қаласы полициясының ақпаратына сәйкес, 22 желтоқсан күні кешкісін Торонто қаласының Скарборо ауданында жүргізуші көлігін басқара алмай қалып, жаяу жүргінші жолында кетіп бара жатқан үш студентті қағып кеткен. Екі студент қаза тапты, біреуінің жағдайы өте ауыр. Полиция ақпаратына сәйкес, қаза тапқан студенттің бірі Қазақстан азаматы, Сентанниал колледжінің білім алушысы. Оқыс оқиға бақылауға алынған. Консульдық қаза тапқан азаматтың туыстарымен және жергілікті полициямен байланысып отыр», - деді ҚР СІМ ресми өкілі Айбек Смадияров.