ШұғылӨткен тәулікте 3000-ға жуық адамнан КВИ анықталды

Дархан Асаділов - каратэден Қазақстан тарихындағы тұңғыш Олимпиада жүлдегері

Ол жартылай финалда Франция өкілі Стивен де Костамен кездесті

фото: olympic.kz

Токио Олимпиадасында каратэден алғашқы жүлдегер анықталды. Ерлер арасында 67 келіге дейінгі салмақта сынға түскен Дархан Асаділов Олимпиаданың қола жүлдегері атанды.

Ол жартылай финалда Франция өкілі Стивен де Костамен кездесіп, 5:2 есебімен жеңіліп қалды. Дархан - каратэ тарихында Қазақстаннан шыққан тұңғыш Олимпиада жүлдегері. Ол ел қоржынына жетінші қола медаль салды.

Қазақстандық каратэші Дархан Асаділов (67 келі) Токио Олимпиадасында үш жекпе-жекте қатарынан жеңіске жетіп, жартылай финалға шықты.

Алғашқы жекпе-жекте Асаділов түрік спортшысы Эрай Самданды, ал екінші айналымда әзербайжандық Фирдоуси Фарзалиевті 6:2 есебімен ұтты. Үшінші жекпе-жекте жапон Наото Сагоны айқын басымдықпен (3:0) жеңді. Мысырлық Әли Эльсавиді де жеңіп, Асаділов алты ұпайға ие болып, бірден жартылай финалға өтті. 

Токио Олимпиадасында қола жүлде алған қазақстандық спортшылар:

  • Елдос Сметов - дзюдо;
  • Игорь Сон - ауыр атлетика;
  • Зүлфия Чиншанло - ауыр атлетика;
  • Қамшыбек Қоңқабаев - бокс;
  • Сәкен Бибосынов - бокс;
  • Нұрислам Санаев - еркін күрес;
  • Дархан Асаділов - каратэ.