Қазақстанда КВИ таралуы бойынша «қою қызыл» аймақтар пайда болды

Қазақстанның бас санитар дәрігері Ердан Қиясов қол қойған жаңа қаулыда «қою қызыл» аймақ ұғымы пайда болды, деп хабарайды Azattyq Rýhy.

«Қоңыр-қызыл» аймақ – инфекциялық төсек-орындарының толтырылу көрсеткіші 70%-дан жоғары және төсек-орындардың  толтырылу көрсеткіші 100 мың тұрғынға шаққанда 200-ден жоғары болған аймақ», - делінген құжатта.

Еліміздің бас санитар дәрігерінің жаңа қаулысында «қою қызыл» аймақ үшін жеке карантиндік шектеулер енгізілген.

«2021 жылғы 2 тамыздан бастап «қоңыр-қызыл» аймақта әкімдіктерді, құқық қорғау органдарын, денсаулық сақтау ұйымдарын, БАҚ-ты, азық-түлік дүкендерін, дәріханаларды және тіршілікті қамтамасыз ету ұйымдарын, сондай-ақ осы қаулының 9-тармағының 4) тармақшасында көрсетілген ұйымдарды қоспағанда, «Ashyq» жобасына қатысушыларды қоса алғанда, меншік нысандарына қарамастан, барлық кәсіпорындар мен ұйымдардың қызметін демалыс күндері тоқтата тұрсын», - делінген Қаулыда.