Елімізде коронавирус пен пневмониядан бір тәулікте 62 адам қайтыс болды

Қазақстанда бір тәулікте коронавирус пен КВИ белгілері бар пневмониядан 62 адам қайтыс болды деп хабарлайды Денсаулық сақтау министрлігі.

Қайтыс болғандардың 54-де коронавирус ПТР-тест арқылы анықталса, сегізінде тест теріс нәтиже көрсеткен.

Жалпы, 21 шілдедегі жағдай бойынша коронавирус инфекциясын жұқтырған 64 367 адам ем қабылдап жатыр (62 651 КВИ+ және 1 716 КВИ-). Олардың ішінде 20 050 науқас ауруханада жатса, 44 317-сі үй жағдайында ем қабылдауда.

• 1 157 науқастың жағдайы ауыр;
• 263 науқастың жағдайы аса ауыр;
• 160 науқас ИВЛ аппаратына қосылған.