Еліміздің 15 өңірі «қызыл» аймақта

Қазақстанда коронавирустың таралу қарқыны бәсеңдемей тұр. Әр тәулік сайын елімізде кемі 5 мың адамнан COVID-19 инфекциясы ПТР-тест арқылы анықталуда. Жағдай ешбір облыста тәуір болмағандықтан 17 өңірдің 15-і бүгінгі күні «қызыл» аймақта. Бұл туралы Коронавирустың таралуына жол бермеу жөніндегі ВАК хабарлады.

Атап айтқанда, Нұр-Сұлтан, Алматы, Шымкент қалалары мен Алматы, Ақмола, Ақтөбе, Атырау, Батыс Қазақстан, Жамбыл, Қарағанды, Қостанай, Қызылорда, Маңғыстау, Павлодар және Солтүстік Қазақстан облыстары «қызыл» аймақта.

Ал, Түркістан мен Шығыс Қазақстан облыстары «сары» аймақта тұр. Елімізде ешбір өңір «жасыл» аймаққа кірмеді.