Токио Олимпиадасына Қазақстан атынан 9 боксшы қатысады

Токиодағы олимпиада ойындарында Қазақстан атынан бокс бөлімі бойынша тоғыз қазақстандық ел намысын қорғайды, деп хабарлады Ұлттық Олимпиада комитеті.

Олимпиадаға баратын боксшылар тізімі:

• Сәкен Бибосынов (52 келіге дейін)
• Серік Теміржанов (57 келіге дейін)
• Зәкір Сафиуллин (63 келіге дейін)
• Абылайхан Жүсіпов (69 келіге дейін)
• Әбілхан Аманқұл (75 келіге дейін)
• Бекзад Нұрдаулетов (81 келіге дейін)
• Василий Левит (91 келіге дейін)
• Қамшыбек Қоңқабаев (91 келіден жоғары)
• Надежда Рябец (75 келіге дейін)

Токио – 2020 ойындарында бокстан сайыс 24 шілде – 8 тамыз аралығында өтеді. 

Токиодағы жазғы Олимпиада ойындары 2021 жылдың 23 шілде – 8 тамыз аралығында өтеді. Олимпиадада 33 спорт түрінен 339 медаль ойнатылады.