Алматыда бас шыршаның шамы жағылды

19 желтоқсан күні қаланың барлық ауданында жаңажылдық шыршаларды бір мезгілде салтанатты түрде жағу рәсімі өтті, деп хабарлайды Azattyq Rýhy.

Негізгі шара 20 метрлік шырша орнатылған «Астана» алаңында болды. Салтанатты рәсімге Алматы әкімі Бақытжан Сағынтаев қатысты. Бас шырша жарықдиодты гирляндалармен, жаңажылдық ойыншықтармен безендірілген.

Қала бойынша биіктігі 10 метрден 12 метрге дейінгі 9 шырша бар. Олардың барлығы жасанды шыршалар.

Шыршаларды жағу салтанаты қазақстандық әртістердің концерттік бағдарламасымен жалғасты.