ШұғылЕлімізде тағы 7778 адамнан коронавирус анықталды

Ақтауда 227 пәтер кілті табысталды

Биыл облыс орталығында 86 мың шаршы метр тұрғын үй салу жоспарланған

Ақтауда ел Тәуелсіздігінің 30 жылдығы мен бас қаланың туған күніне орай жаңа тұрғын үй кешені пайдалануға берілді. 7,9 және 12 қабаттан тұратын үйлер «Нұрлы жер» мемлекеттік бағдарламасы аясында бой көтерген. Бұл туралы Маңғыстау облысы әкімдігінің баспасөз қызметі хабарлады. Салтанатты шараға қатысқан Ақтау қаласының әкімі Нұрдәулет Қилыбай баспаналы болған тұрғындарды жаңа қонысымен құттықтады.

«33 шағынауданда орналасқан 670 пәтерден тұратын «Аққу-3» тұрғын үй кешенінің алғашқы бөлігі өткен айда қолданысқа берілген еді. Елорда күні қарсаңында тағы 227 пәтер кілті табысталды. Үш бөліктен тұратын тұрғын үй кешенінің қалған бөлігін аяқтау жұмыстары қарқынды жүріп жатыр», - деді қала басшысы.

Биыл облыс орталығында 86 мың шаршы метр тұрғын үй салу жоспарланған. Бұл үйлерді Мемлекет басшысының тапсырмасымен әзірленген бағдарламаларға сәйкес «Отбасы» банкі арқылы алуға болады.