ШұғылCOVID-19: Қазақстанда вирус жұқтырғандар саны 406 мыңнан асты

Қазақстанда КВИ-ден көз жұмғандарға қатысты министрлік түсініктеме берді

Статистика бойынша былтыр – 4729, ал биыл жыл басынан бері 2373 қазақстандық қайтыс болған

Фото: ашық дереккөзден

ҚР Денсаулық сақтау министрлігі КВИ бойынша сырқаттанушылық және өлім-жітім статистикасына түсініктеме берді, деп хабарлайды Azattyq Rýhy.

ҚР Денсаулық сақтау министрлігі 2021 жылдың мамыр айының басында Стратегиялық жоспарлау және реформалар жөніндегі Агенттіктің Ұлттық статистика бюросы (СЖжРЖА ҰСБ) мемлекеттік органдардың ақпараттық жүйелерінен (ҚР ДСМ, ҚР ӘМ, СЖжРЖА ҰСБ) үш дереккөздің деректері негізінде қалыптастырған, 2020 жылғы КВИ-ден болған өлім-жітім бойынша түпкілікті ресми деректерді жариялады.

Жыл сайын статистикалық жұмыстардың бекітілген жоспарына сәйкес, өткен жыл бойынша аталған рәсім осы жылдың сәуір айының соңында аяқталды.

Сондай-ақ, биылғы 4 айда және соңғы тәулікте КВИ-ден сырқаттанушылық және өлім-жітім бойынша министрліктің жедел деректері жеке көрсетілді.

Сонымен қатар, ДДСҰ КВИ-ді тіркеудің алғашқы күндерінен бастап осы күнге дейін тіркелген жағдайлардың саны бойынша статистикалық деректерді жариялауды ұсынады.

«Осыған байланысты, Министрлік 2020 жылғы 13 наурыздан бастап өсу бойынша сырқаттанушылық және өлім-жітім көрсеткіштерін көрсете отырып және 2020 жылғы КВИ өлім-жітімі бойынша түпкілікті деректерді ескере отырып, ҚР ДСМ ресми ресурсында КВИ сырқаттанушылық және өлім-жітім бойынша ақпаратты ұсынудың бұрынғы форматына оралды», - делінген ДСМ хабарламасында.

Анықтама: СЖжРЖА ҰСБ деректері бойынша 2020 жылдың қорытындысы бойынша КВИ-ден қайтыс болғандар саны 4 729 адамды құрады, оның ішінде «+» КВИ-ден - 1 783, «-» КВИ-ден 2 946 адам көз жұмды.

«Министрліктің жедел деректері бойынша 2021 жылғы 4 айда және 2021 жылғы мамырдың 20 күнінде КВИ-ден қайтыс болғандар саны 2 373 адамды құрады, оның ішінде «+» КВИ-ден - 1 984, «-» КВИ-ден 389 адам көз жұмды», - делінген хабарламада.