Алматыда жеңіл атлетикадан ел чемпионаты өтеді

Алматыда жеңіл атлетикадан Қазақстан Республикасының көктемгі чемпионаты өтеді, деп жазады Prosports.kz.

Аталған ел біріншілігі 21 мамырда басталады. Көктемгі ел біріншілігі құраманың Токио Олимпиада ойындарына дайындық кезеңінің бірі болып есептеледі.

Жарыстың алғашқы күнінде спортшылар 10000 метр қашықтыққа жүгіру бойынша өзара мықтыны анықтайды.

Сонымен қатар, Алматыда 2004-2005 жылдары дүниеге келген жастар арасында Қазақстан чемпионаты өтеді. Екі жарыс та 23 мамырға дейін жалғасады.