Алексей Цой коронавирусқа қарсы екінші екпені салдырды

ҚР Денсаулық сақтау министрі Алексей Цой QazVac вакцинасының екінші компонентін алды, деп хабарлайды Azattyq Rýhy.

Бұл туралы министр өзінің Facebook-парақшасында жариялады.

«QazVac-тың екінші екпесін алдым. Бірінші компонентін салған кездегідей өзімді жақсы сезініп отырмын. Ешқандай жанама әсері болған жоқ. Вакцина – пандемиядан шығудың бір ғана тиімді әдісі Аман-сау болыңыздар! Өздеріңізді сақтаңыздар!», - деп жазды министр.

Еске сала кетсек, сәуірде Алексей Цой алғашқылардың бірі болып QazVac вакцинасын салдырды. ДСМ дерегінше, қазіргі таңда Қазақстанда 1 844 938 адам COVID-19 вирусына қарсы вакцина алған.