Қазақстанда 4 миллионға жуық жеңіл көлік тіркелген
Жыл басынан бері 224 мың автомобиль тіркелді
Қазақстанда тіркелген жеңіл көліктер саны 3,8 миллионнан астамды құрады. Бұл туралы Ұлттық статистика бюросының ресми сайтында жарияланды.
2021 жылғы қаңтар-наурызда Қазақстанда 224 421 жеңіл автомобиль тіркелді. Бұл, былтырғы жылдың тиісті кезеңімен салыстырғанда 3,5% көп.
2021 жылғы 1 сәуірдегі жағдай бойынша, елімізде тіркелген жеңіл көлік саны 3849,9 мың бірлікті құрады. Сондай-ақ статистика мәліметіне сәйкес, биылғы қаңтар-наурыз аралығында 2621 жол-көлік оқиғасы тіркеліп, 3968 адам зардап шеккен. Былтырғы тиісті кезеңмен салыстырғанда апаттық жағдай 4,3% азайды.
2021 жылғы 1 сәуірдегі жағдай бойынша, көлік құралдары иелеріне сақтандыру ұйымдары 8,8 млрд теңге сомасына 19 627 сақтандыру төлемін жасады.
