ШұғылҚазақстанда өткен тәулікте 1800-ден астам адамнан коронавирус анықталды

«Барлығына қарсы дауыс беру» ұғымы қазақстандықтар үшін қалыпты жағдайға айналуы тиіс»

Мәжіліс «Сайлау туралы» заңға енгізілген түзетулерді мақұлдады

Фото: ашық дереккөзден

Мәжіліс депутаттары еліміздің заңнамасына ҚР Парламентіне саяси партиялардың өту шегін 7% - дан 5% - ға дейін төмендетуді, сондай-ақ сайлау бюллетеньдеріне «баршаға қарсы» бағанын енгізуді көздейтін түзетулерді қарап, мақұлдады, деп хабарлайды Azattyq Rýhy тілшісі.

«Барлығына қарсы» бағаны Мемлекет басшысы Қасым-Жомарт Тоқаевтың тікелей тапсырмасы бойынша сайлау бюллетеньдеріне енгізілді. Парламент сессиясының ашылуында Президент «Балама пікірлер», «Барлығына қарсы дауыс беру» деген ұғымдардың қазақстандықтар үшін қалыпты жағдай болуы тиіс екенін атап өтті. Бұл шара бірде-бір кандидат немесе партия қанағаттанбайтын азаматтарға өз пікірін білдіруге мүмкіндік береді», - деді ҚР Парламенті Мәжілісінің төрағасы Нұрлан Нығматулин Палатаның жалпы отырысында.

2021 жылғы 15 қаңтарда ҚР Парламенті Мәжілісінің VII шақырылымы 1-сессиясының ашылуында Президент берген тапсырмаға сәйкес, заң жобасында ҚР Парламенті Мәжілісін сайлау кезінде саяси партиялардың өту шегі 7% - дан 5% - ға төмендетілді. Сондай-ақ барлық деңгейдегі сайлау бюллетеньдерінде «Барлығына қарсы» бағаны қосылды.

Бұдан басқа, құжат жобасында аудандық маңызы бар қалалардың, ауылдардың, кенттердің, ауылдық округтердің әкімдерін тікелей сайлау енгізілді.

«Бұл реформа 2 345 әкімшілік-аумақтық бірлік әкімдеріне қатысты, оның ішінде 836 әкім 2021 жылдың екінші жартыжылдығында тікелей дауыс беру арқылы сайланады», – деді ҚР Ұлттық экономика министрі Әсет Ерғалиев.                      

Атап айтқанда, әкім лауазымына Мемлекеттік қызмет туралы заңнамадағы біліктілік талаптарына сәйкес келетін 25 жасқа дейінгі ҚР азаматтары сайлана алады. Сайлауға саяси партиялар ұсынған кандидаттар және дауыс беруге құқығы бар сайлаушылардың жалпы санының кемінде 1% - ына қол жинау арқылы өзін-өзі ұсынушылар қатыса алады. Бұл ретте аудан (облыстық маңызы бар қала) әкімі ұсынылған кандидаттар болмаған не біреуі ғана ұсынылған жағдайда, тиісінше екі не бір кандидатты ұсынуға құқылы.

Заң жобасында барлық кандидаттар үшін ең төменгі бір жалақы мөлшерінде сайлау жарнасын енгізу көзделген. Сайлаудың өзі 40 күн бұрын жарияланып, қазіргі әкімнің өкілеттік мерзімі аяқталғанға дейін 10 күн бұрын өтеді. Сайланған әкім өз қызметі кезінде жүргізіліп жатқан жұмысы үшін халыққа есеп беретін болады.