ШұғылҚазақстанда бір тәулікте 2549 адамнан коронавирус анықталды

Ақтөбе облысы әкімінің екі орынбасары тағайындалды

Жақсығали Иманқұлов бұған дейін Ақтөбе облысының табиғи ресурстар және табиғатты пайдалануды реттеу басқармасын басқарды

Бұлбұл Елеусінова, Жақсығали Иманқұлов, фото: facebook.com/aktobeakparat

Бүгін аймақ басшысының өкімімен Жақсығали Иманқұлов Ақтөбе облысы әкімінің орынбасары болып тағайындалды.

Жақсығали Иманқұлов Орынбор ауылшаруашылық институтын, Л. Гончаров атындағы Қазақ автомобиль жолдары университетін бітірген.

Еңбек жолын 1987 жылы «Мағаджан» кеңшарында мал дәрігері, аға зоотехнигі, «Мағаджан» кеңшарының директоры, ҚР Ауыл шаруашылығы министрлігінің Ақтөбе аумақтық басқармасы шекарадағы және көліктегі мал дәрігерлік және фитосанитарлық бақылау бөлімінің бастығы, Ақтөбе облысының жер қойнауын пайдалану және қоршаған ортаны қорғау басқармасының басшысы болып жұмыс жасады.

Әр жылдары Ақтөбе облысының табиғи ресурстар және табиғатты пайдалануды реттеу басқармасын, Тобыл-Торғай экология департаментін, Ақтөбе облысы бойынша экология департаментін басқарды.

Бұл қызметке тағайындалғанға дейін Ақтөбе облысының табиғи ресурстар және табиғатты пайдалануды реттеу басқармасын басқарды.

Сондай-ақ өңір басшысының өкімімен Бұлбұл Елеусінова Ақтөбе облысы әкімінің орынбасары болып тағайындалды.

Бұлбұл Елеусінова Қ.Жұбанов атындағы Ақтөбе мемлекеттік университетін және Қазақ-орыс халықаралық университетін бітірген.

Еңбек жолын Ақтөбе қаласындағы №12 орта мектепте мұғалім болып бастаған.

Әр жылдары Қобда ауданы әкімі аппаратының бас маманы, Қобда ауданының ішкі саясат, мәдениет және тілдерді дамыту бөлімінің басшысы, Ақтөбе облысы ішкі саясат бөлімінің талдау және мониторинг бөлімінің басшысы, Қобда ауданы әкімінің орынбасары, Ақтөбе облысы әкімі аппараты Қазақстан халқы Ассамблеясы хатшылығының жетекшісі, Ақтөбе облысының ішкі саясат басқармасының басшысы болып жұмыс істеді.

Тағайындалғанға дейін Ақтөбе облысының жұмыспен қамтуды үйлестіру және әлеуметтік бағдарламалар басқармасын басқарды.