ШұғылҚазақстанда пандемия басталғалы коронавируспен ауырғандар саны 865 мыңға жуықтады

Ресейде 40 күндік аштық жариялаған блогер қайтыс болды

Ол эксперимент жасамақ болған

Мәскеулік блогер Виталий Выграновский ас пен судан 40 күнге бас тартамын деп қайтыс болды. Ол аталған экспериментті биыл наурыз айында бастаған болатын.

Аштықтың оныншы күні блогер қалада өзін нашар сезініп, Мәскеуден Абхазияға кетіп қалған. Ал, жиырмасыншы күні Выграновский ағзасының толық тазарғанын, алайда әлсіздіктен қимылдауы қиындап қалғанын айтты. 35-күні ол өлімге жақындағанын, бірақ экспериментті үзбейтінін мәлімдеді.

«Жолды өттім бе? Бұл негізі жай ғана ойын. Өте қызық. Ағзадағы паразиттің бәрі кетті, тамақ жеуге мүлдем тәбетім жоқ. Денемдегі әрбір клетка жаңарды», - деді Выграновский.

Блогердің таныстары оның аштықты аяқтаған сәтте қайтыс болғанын жазуда. Ал, өлімнің нақты себебі сот-медициналық сараптамадан кейін белгілі болады.