Алексей Цой вакцинациядан кейінгі жағдайын айтты

Денсаулық сақтау министрі Алексей Цой 26 сәуірде алғашқылардың бірі болып коронавирусқа қарсы отандық QazVac вакцинасын салдырды. Бүгін министр вакцинациядан кейінгі жағдайын айтты.

«Вакцинациядан кейінгі алғашқы күн. Өзімді жақсы сезінемін. Кеше кешке вакцина салған жерім аздап ауырған еді, таңертең ауырғаны қойды. Бәріңізге денсаулық тілеймін. Вакцинациялауға қатысайық. Өзіңізді және жақындарыңызды қорғаңыз!», - деп жазды министр.

Алдын ала мәліметтер бойынша, QazVac вакцинасының тиімділігі 90%-дан жоғары. Вакцинация 18 жастан асқан адамдарға ұсынылады. 18 жасқа дейінгі балалар үшін тиімділік пен қауіпсіздік зерттелмеген.