ШұғылҚазақстанда коронавируспен ауырғандар саны 595 мыңнан асты

СҚО-да базардың орнына көпқабатты екі үй салынады

Петропавлда алматылық құрылыс компаниясы тұрғын үйлер салуды жоспарлап отыр

Петропавлдағы базардың орнына көпқабатты екі үй салынады, деп хабарлайды Azattyq Rýhy облыстық әкімдіктің баспасөз қызметіне сілтеме жасап.

«Бiздiң қаламыз жаңа тенденцияларға ұмтылуы керек. Петропавлдың құрылыс секторына жаңа инвесторлар келуде, жобалар жасалуда, баспана құрылысының қарқыны өсiп келедi. Жалпы, былтыр 48 учаскеде құрылыс жүргiзiлдi. 2021 жылы ондай 56 нүкте болады. Былтыр 24 көп қабатты үй салынса, биыл тағы 23 үй тұрғызылады», — деп жазды СҚО әкiмi Құмар Ақсақалов әлеуметтiк желiдегi парақшасында.⠀

«Жас өркен», «Береке» шағынаудандары және Уалиханов көшесiнiң бойында құрылыс қызған. Келесi кезекте «Копай» және «Жағалау» шағынаудандары бар. Елдегi негiзгi құрылысшылардың бiрi — «Базис А» Петропавлға өз инвестициясымен келедi. Алматылық құрылыс компаниясы «Жағалау» шағын ауданында көп қабатты үйлер салуды жоспарлап отыр.⠀

«Астана мен Интернационал көшелерiнiң қиылысында 18 қабатты екi коммерциялық үй салынады. «Көтерме сауда орталығының» басшылығы контейнерлердiң орнына заманауи тұрғын үй кешенiн салуға ниет бiлдiрдi. Құрылыста жаңа тәсiлдер қолданылмақ. Үйлердi жабық екi деңгейлi автотұрақ байланыстырады, оның төбесiнде балалар мен спорт алаңы орналасады. Құрылыс маусымда басталып, 1,5 жылға созылмақ. Жаңа көпқабатты үйлер осы ықшамауданды дамыту мен жаңартудың бастапқы нүктесi болады», — деп жазды өңiр басшысы.