23 сәуірге арналған ауа райы болжамы

Синоптиктер жұма, яғни 23 сәуірге арналған ауа райы болжамын жариялады, деп хабарлайды Azattyq Rýhy «Қазгидромет» РМК баспасөз қызметіне сілтеме жасап.

«Қазақстанның басым бөлігі антициклонның ықпалында болатындықтан, жауын-шашынсыз ауа райы сақталады. Тек батыс, шығыс және оңтүстік-шығыстан атмосфералық фронтальды бөліктердің өтуіне байланысты, тұрақсыз ауа райы болуы мүмкін. Еліміздің кей жерлерінде жауын-шашын (жаңбыр, қар) жауады. Республиканың кей жерлерінде тұман, желдің күшеюі сақталады,  батыс және оңтүстікте шаңды дауыл, батыс өңірлерде бұршақ болуы мүмкін», - делінген хабарламада.

Атап айтқанда, түнде Қызылорда облысының кей жерлерінде, күндіз басым бөлігінде жел 15-23 м/с күшейеді, күндіз кей жерлерінде шаңды дауыл соғады.

Түркістан облысының кей жерлерінде жел 15-25 м/с дейін жетіп, шаңды дауылға ұласады.

Батыс Қазақстан облысының кей жерлерінде тұман түседі, жел 15-20 м/с күшейеді, найзағай, бұршақ болуы мүмкін.

Маңғыстау, Атырау облыстарының кей жерлерінде жел 15-20 м/с дейін жетеді,

Атырау облысында шаңды дауыл күшейеді.

Жамбыл, Алматы, Қостанай, Солтүстік Қазақстан, Шығыс Қазақстан облыстарының кей жерлерінде тұман түсуі мүмкін, жел 15-22 м/с дейін жетеді. Жамбыл облысында жел екпіні 23-28 м/с жетеді.

Қарағанды, күндіз Ақтөбе облыстарының кей жерлерінде жел 15-20 м/с жейін жетеді.