ШұғылҚазақстанда өткен тәулікте 1800-ден астам адамнан коронавирус анықталды

Маңғыстауда ер адамның көлігінен Қызыл кітапқа енген 150 келі балық табылды

Автокөлік жүргізушісі – 25 жастағы жергілікті тұрғын

фото: polisia.kz

Маңғыстау облысында «Бекіре-2021» іс-шарасы барысында Қызыл кітапқа енген балықтарды заңсыз аулау фактісі анықталды.

Полиция қызметкерлері Түпқараған ауданы Форт-Шевченко қаласында УАЗ автокөлігін тоқтатты. Автомобильді тексеру кезінде полицейлер жүксалғыштан жалпы салмағы 148 келіден асатын бекіре тұқымдас балықтарды тәркіледі. Автокөлік жүргізушісі – 25 жастағы жергілікті тұрғын.

Аталған факті бойынша Қылмыстық кодекстің 339-бабы (Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу) бойынша сотқа дейінгі тергеу басталды.