ШұғылҚазақстанда өткен тәулікте 6797 адамнан коронавирус анықталды

Қазақстанда докторантураға қабылдау электрондық форматта өтеді

Министрлік диссертация қорғаудың онлайн-режимде жүргізілетінін айтты

Фото: ашық дереккөзден

Докторантураға қабылдау электрондық форматта, ал диссертацияларды қорғау онлайн-режимде жүргізіледі. Бұл туралы Білім және ғылым министрлігінің баспасөз қызметі хабарлады.

«Жоғары оқу орнынан кейінгі білім беру бағдарламаларына түсу ережелері өзгертілді. Енді докторантураға қабылдау электрондық форматта жүзеге асырылады. Өткен жылы бұл тәсіл магистратураға қабылдау кезінде тиімділігін көрсетті», - делінген хабарламада.

Пандемияға байланысты студенттер мен магистранттарға қорытынды жұмыстарын онлайн форматта қорғауға рұқсат етілді. Егер дипломдық жұмыс немесе магистрлік диссертация онлайн форматта қорғалған болса, студенттерден «мөр» мен «қолтаңба» талап етудің қажеті жоқ.

Сонымен қатар, енді барлық докторлық диссертация желіде трансляциялау арқылы онлайн-режимде қорғалатын болады. Бұл ғылыми жұмыстарды қорғау рәсімінің ашықтығы мен әділдігін қамтамасыз етеді.