ШұғылҚазақстанда коронавирусты қайта жұқтыру бойынша 800-ге жуық жағдай тіркелді

«100 жаңа есім» жобасына өтінім қабылдау мерзімі ұзартылды

Жоба биыл Тәуелсіздіктің 30 жылдығы аясында өтуде

«Қазақстанның 100 жаңа есімі» жобасының IV маусымына қатысуға өтінімдерді қабылдау мерзімі 2021 жылғы 21 наурызға дейінгі уақытты қоса алғанда бір аптаға ұзартылды, деп хабарлайды Azattyq Rýhy ҚР Ақпарат және қоғамдық даму министрлігінің баспасөз қызметіне сілтеме  жасап.

Айта кетсек, жоба биыл Тәуелсіздіктің 30 жылдығы аясында өтуде.

Қазіргі уақытта Қазақстанның барлық өңірлерінен өтінімдер белсенді ұсынылып, қабылдануда. Қатысуға өтінімді 100janaesim.ruh.kz сайтында беруге болады. Ұйымдастырушылар байқауға ең лайықты үміткерлерді іздеуді жалғастыруда.

Естеріңізге салсақ, жобаға қатысу үшін үміткерлерге келесідей талаптар қойылады:

- кәмелеттік жасқа толуы (18 Жас), ҚР азаматтығы;
- Қазақстанның дамуына қосқан нақты үлесі болуы шарт.

Келесі кезеңде жалпыхалықтық дауыс беріліп, қазылар алқасы мүшелері жеңімпаз болуға лайықты кандидаттарды іріктейтін болады.