Ауа райы: Қазақстанда күн қайта суытады

Елімізде алдағы үш күнде күн қайта суытуы мүмкін, деп хабарлайды Azattyq Rýhy «Қазгидромет» РМК баспасөз қызметіне сілтеме жасап.   

Синоптиктердің болжамынша, Екатеринбург жақтан көшкен циклон ықпалынан республиканың басым бөлігінде қар мен жаңбыр жауады.

«10 наурыз күні еліміздің оңтүстігінде қар аралас жаңбыр жауады. Кей жерлерде тұман, көктайғақ болады, бұрқасын соғып, жел күшейеді. Бейсенбі күні елдің батыс аймағын Солтүстік-Батыс антициклонының суық ауа ағымы басады. Соның салдарынан өңірлерде күн суытады», - делінген хабарламада.