Қазақстанның 10 облысында ауа райына байланысты ескерту жарияланды

Ауа райының бұзылуына байланысты Қазақстанның бірқатар өңірінде ескерту жарияланды, деп хабарлайды Azattyq Rýhy тілшісі «Қазгидрометке» сілтеме жасап.

5 наурызда Жамбыл облысында кей жерлерде қатты жауын-шашын жауады. 4-6 наурыз аралығында кей жерлерде тұман түсіп, көктайғақ болады. Оңтүстік-батыстан соққан желдің бағыты солтүстік-шығысқа ауысады, күші кей жерлерде 23 м/с жетеді.

Солтүстік Қазақстан облысында түнде қар, күндіз жауын-шашын жауады. Кей жерлерде - тұман, бұрқасын, көктайғақ. Оңтүстік-батыстан жел соғады, кей жерлерде жел қарқыны 25 м/с дейін күшейеді.

Қарағанды облысында кей жерлерде тұман түседі. Боран соғып, күндіз көктайғақ болады.

4 наурызда Қостанай облысының кей жерлерінде және Қостанай қаласында бұрқасын көтеріліп, тұман түседі, көктайғақ болады. Батыстан және оңтүстік-батыстан жел соғады, күші - 23 м/с.

Шығыс Қазақстан облысында кей жерлерінде - тұман, бұрқасын, көктайғақ. Оңтүстік-батыстан және батыстан жел соғады, жылдамдығы - кей жерлерде 15-20 м/с.

Ақмола облысының кей жерлерінде және Көкшетау қаласында боран соғып, көктайғақ болады. Оңтүстік-батыстан жел соғады, жел екпіні кей жерлерде 23 м/с жетеді.

Қызылорда облысының кей жерлерінде тұман түседі, көктайғақ болады. Оңтүстік-батыстан және батыстан соққан желдің қарқыны кей жерлерде 15-20 м/с дейін күшейеді.

Батыс Қазақстан облысының кей жерлерінде тұман түседі, көктайғақ болады. Облыста және Орал қаласында желдің күші - 15-20 м/с.

Ақтөбе облысының кей жерлерінде және Ақтөбе қаласында - жаяу бұрқасын, тұман, көктайғақ. Солтүстік-батыстан және батыстан жел соғады, кей жерлерде жел жылдамдығы 15-20 м/с жетеді.

Атырау облысында кей жерлерде тұман түседі, көктайғақ болады. Желдің бағыты солтүстік-батыстан оңтүстік-батысқа ауысады, екпіні - 15-20 м/с.