ШұғылКоронавирус және пневмония: өткен тәулікте 102 адам көз жұмды

Батыс Қазақстан облысында карантин жеңілдетілді

Облыста жабық базарлар мен сауда үйлері жексенбі күні де ашық болады

Фото: ашық дереккөзден

Батыс Қазақстан облысында шектеу шаралары жеңілдетілді, деп хабарлайды Azattyq Rýhy тілшісі БҚО санитарлық-эпидемиологиялық бақылау департаментінің баспасөз қызметіне сілтеме жасап.

БҚО бас мемлекеттік санитар дәрігерінің 1 наурызда жаңа қаулысы шықты. Бұдан былай мемлекеттік қызметкерлердің - кемінде 60, жеке кәсіпкерліктегілердің 50 пайызы қашықтан жұмыс істейді. Сондай-ақ жабық базарлар мен сауда үйлері жексенбі күні де ашық болады.

Мектептерде бұрын 1-5 сыныптарда кезекші топтар ғана оқыса, енді бәрі де дәстүрлі түрде білім ала алады. Тек бір сыныпта балалар саны 15-тен аспауы қажет. Сондай-ақ осы кезге дейін сабақтан тыс уақытта 5 баладан аспайтын топқа жеке оқытуға рұқсат берілсе, енді 15 балаға дейін көбейтілді.