Нұр-Сұлтанда ұтыс ойынына 2 мыңнан астам адам жиналған

Елордада гүл сататын дүкеннің ашылу құрметіне орай ұтыс ұйымдастырғандар полицияға жеткізілді, деп хабарлайды Azattyq Rýhy тілшісі Полиция департаментінің баспасөз қызметіне сілтеме жасап.

«Полиция қызметкерлерінің талабымен іс-шара тоқтатылды. Жағдай тұрақталып, жиналған тұрғындар үйлеріне тарап кетті. Іс-шараны ұйымдастырғандар мән-жайды анықтау үшін Есіл аудандық полиция басқармасына жеткізілді», - деп жазылған хабарламада.

Еске сала кетсек, Есіл аудандық әкімдігі мен полиция мамандарынан құралған мониторингтік топ 2 мыңнан астам адамның қатысуымен өткен іс-шарада Нұр-Сұлтан қаласының Бас санитарлық дәрігерінің қаулысын бұзу фактісін анықтады. Дүкеннің ашылу құрметіне ұтыс ойыны өткізілген.