Қазақстанның үш өңірінде ескерту жарияланды

«Қазгидромет» РМК Қазақстанның үш өңірінде ауа райына байланысты ескерту жариялады, деп хабарлайды Azattyq Rýhy тілшісі.

29 қарашада Атырау облысының кей жерлеріне тұман түсіп, көктайғақ болады. Оңтүстік-шығыстан соққан желдің екпіні 15-20 м/с-ке жетеді. Осы күні Атырау қаласында оңтүстік-шығыстан соққан жел соғып, екпіні 15-20 м/с болуы ытимал. Ескертудің дөп келу ықтималдығы 85-90%. 

29 қарашадан 1 желтоқсанға дейін Қызылорда облысының кей жерлеріне тұман түседі. Солтүстік-шығыстан соққан желдің бағыты оңтүстік-шығысқа ауысып, үш күн бойы жылдамдығы 15-20 м/с болатын жел соғады. Ескертудің дөп келу ықтималдығы 95-100%. 

29 қарашада Маңғыстау облысының кей жерлерінде көктайғақ болып, оңтүстік-шығыстан күші 15-20 м/с-ке жететін жел еседі. Осы күні түнде Ақтау қаласында оңтүстік-шығыстан жел соғып, екпіні 18 м/с болуы мүмкін. Ескертудің дөп келу ықтималдығы 90-95%.