ШұғылҚазақстанда бір тәулікте 2549 адамнан коронавирус анықталды

Қазақстан Еуропалық азаматтық авиация конференциясына қабылданды

ТМД елдері арасында бұған дейін ұйымға Әзірбайжан мен Армения кірген

көрнекі сурет

Қазақстан Еуропалық азаматтық авиация конференциясының бақылаушы мәртебесін алып, ТМД елдері арасында осы ұйымға қабылданған үшінші мемлекет болды.

ҚР Индустрия және инфрақұрылымдық даму министрлігінің Азаматтық авиация комитеті мен Қазақстанның авиациялық әкімшілігі Еуропалық азаматтық авиация конференциясымен (ЕСАС) ынтымақтастық туралы меморандумға қол қойды. Ынтымақтастық ұшу қауіпсіздігі, авиациялық оқиғаларды тексеру, авиациялық қауіпсіздік, қоршаған орта және халықаралық азаматтық авиацияның басқа да салаларын қамтиды.

Азаматтық авиация комитеті ECAC-қа бақылаушы ретінде қосылу үшін 5 жылдан астам уақыт жұмыс жүргізген.

Қазақстан ECAC-қа бақылаушы бола отырып, қазақстандық тасымалдаушылардың ұшу қауіпсіздігі, ұшу географиясын кеңейту, қоршаған орта проблемалары, сондай-ақ авиациялық қауіпсіздік мәселелері сияқты маңызды мәселелерді жалпыеуропалық деңгейде талқылау мүмкіндігіне ие болды. Байқаушылар ECAC өткізетін барлық ашық отырыстар мен конференцияларға қатысады.

ECAC бақылаушыларға персоналды даярлауда және еуропалық стандарттарды бейімдеу барысында техникалық көмек алуға, азаматтық авиация саласындағы отандық еуропалық заңнамамен үйлестіруге мүмкіндік береді. Сонымен қатар, біздің авиациялық билік орындарының ECAC-ға қатысуы Қазақстанның азаматтық авиациясының бүкіл әлемдік қауымдастыққа интеграциялануын тиімді қамтамасыз етуге мүмкіндік береді.

Отырысқа бақылаушы ретінде қатысу Еуропалық комиссияға, Ұшу қауіпсіздігі жөніндегі Еуропалық авиациялық агенттігі (ЕАЅА), Еуропа әуе навигациясы қауіпсіздігі ұйымы (Eurocontrol), сондай-ақ ИКАО Еуропалық өңірлік бюросының директорларына да қолданылады. ECAC басқа өңірлік ұйымдармен және ИКАО-ға мүше мемлекеттермен, АҚШ-пен азаматтық авиацияның бірқатар мәселелері бойынша тығыз жұмыс істейді.

Қазақстанның авиациялық билік орындары алда ECAC толық құқықты мүшесі болуды жоспарлап отыр, бұл тек ECAC мүше-мемлекеттері үшін жабық отырыстарға қатысуға мүмкіндік береді және Қазақстанда азаматтық авиацияның еуропалық стандарттарын енгізу бойынша одан әрі қамтамасыз етеді.

Анықтама:

Еуропалық азаматтық авиация конференциясы (ЕСАС) 1955 жылы құрылған үкіметаралық құрылым болып табылады. Оған 44 мүше мемлекет, соның ішінде Еуропалық Одақтың 28 елі (Ұлыбритания, Нидерланды, Германия, Франция және басқалары), сондай-ақ ТМД елдерінің арасында Әзірбайжан мен Армения кіреді.