Нұр-Сұлтанда итті азаптаған тұрғын қамауға алынды

Әлеуметтік желіде құлағы жараланған ит пен өлі күшік бейнеленген видео тараған еді

Нұр-Сұлтанда итті азаптаған тұрғын қамауға алынды
Фото: ашық дереккөзден

Елорда іргесіндегі Қосшыда итті азаптаған азамат қамауға алынды, деп хабарлайды «Хабар 24».

«44 жастағы күдіктіні полиция қызметкерлері бейнебақылау камераларының көмегімен анықтап, ұстаған. Одан екі мылтық, оқ-дәрі және қармен жүретін техника тәркіленді. Қазір аталған дерекке байланысты тексеру жұмыстары жүріп жатыр. Кеше әлеуметтік желіде құлағы жараланған ит пен өлі күшік бейнеленген видео тараған еді. Осыған байланысты желі қолданушылары өз наразылығын білдірген», - деп жазылған хабарламада.

×
Бұл желілік ресурстың ақпараттық өнімдері 18 жастан асқан адамдарға арналған.