Қазақстанның төрт облысында ауа райына байланысты ескерту жарияланды

Ауа райының бұзылуына байланысты еліміздің бірқатар өңірінде ескерту жарияланды, деп хабарлайды Azattyq Rýhy тілшісі Қазгидрометке сілтеме жасап.

Түркістан облысының таулы аудандарында қалың қар жуады. Кей жерлерде бұрқасын соғып, тұман түседі, оңтүстік-батыстан соққан желдің екпіні 23-28 м/с жетеді. Күндіз таулы аудандарда жел қарқыны 30 м/с және одан қатты күшейеді.

Ақмола облысының кей жерлерінде жаяу бұрқасын соғады, тұман түседі. Оңтүстік-батыстан және батыстан жел соғады. Күндіз кей жерлерде жел жылдамдығы - 15-20 м/с.

22 қаңтарда Қызылорда облысында ауа температурасы түнде 15-20 градус аяз болады. Күндіз минус 3-8, кей жерлерде -11 градусқа дейін күрт төмендейді. Облыстың кей жерлерінде тұман түседі, боран соғады. Жел солтүстік-батыстан оңтүстік-батысқа ауысып соғады, жел қарқыны кей жерлерде 15-20 м/с сақталады.

Күндіз 22 қаңтарда Талдықорған қаласында көктайғақ болады. Батыстан соққан желдің екпіні - 15-20 м/с.

22 қаңтар Батыс Қазақстан облысының кей жерлерінде тұман түседі. 22 қаңтар түнде және таңертең Орал қаласында да күн тұманды.