ШұғылҚазақстанда өткен тәулікте 857 адамнан коронавирус инфекциясы анықталды

Halyk Bank біржолғы зейнетақы төлемі бойынша уәкілетті оператор болып бекітілді

«Отбасы банк» те біржолғы зейнетақы төлем бойынша уәкілетті оператор

Azattyq Rýhy / Батыржан Беспаев

Halyk Bank тұрғын үй жағдайын жақсарту мақсатында Бірыңғай жинақтаушы зейнетақы қорынан берілетін біржолғы зейнетақы төлемін мақсатты пайдалану жөніндегі уәкілетті оператор болып бекітілді. Бұл туралы банктің баспасөз қызметі мәлімдеді.

«Тұтынушылар біржолғы зейнетақы төлемдерін аудару үшін арнайы шотты онлайн режимде банк қосымшасы арқылы аша алады. Айта кету керек, арнайы шот ашу төлемдерді алудың басты шарты болып табылады», - делінген хабарламада.

Сонымен қатар, біржолғы зейнетақы төлемін алу жөніндегі өтінішті де онлайн форматта рәсімдеуге мүмкіндік болады. Дегенмен банк әзірге жауапты органнан нақты қағидаларды күтіп отырғанын мәлімдейді.

«Halyk Homebank қосымшасында зейнетақы қорындағы қаражаттың бір бөлігін алуға өтінім беру функциясы Уәкілетті мемлекеттік орган біржолғы зейнетақы төлемдерін пайдалану қағидаларын бекіткеннен кейін, сондай-ақ банк БЖЗҚ-мен келісімге қол қойғаннан кейін ғана қолжетімді болады», - деп жазылған баспасөз қызметінің хабарламасында.

Әсел Оршыбекова, Нұр-Сұлтан