Қарамағындағы қызметкердің жемқорлық қылмысы тағы 14 шенеунік отставкаға кетуі мүмкін

Сыбайлас жемқорлыққа қарсы іс-қимыл агенттігінің төрағасы Алик Шпекбаев «Астана - адалдық алаңы» жобасы аясында өткен журналистермен кездесуде қарамағандағы қызметкерлердің жемқорлық қылмысына байланысты отставкаға кетуі мүмкін 14 шенеунік туралы айтты.

«Жауапкерлігі бойынша мониторингте тұрған 14-і, заң талабына сәйкес, егер олар саяси қызметшілер болса, басшылары отставкаға кету керек. Міндетті түрде. Ал Мемлекет басшысы отставканы қыбалдау-қабылдамауды өзі шешеді», - деді агенттік төрағасы.

Еске сала кетейік, отставкаға кетуі мүмкін 14 саяси қызметкер туралы Стратегия және жедел басқару департаментінің басшысы Нұрлан Жақсымбетов 2020 жылдың қазан айында мәлімдеген еді. Сонда департамент басшысы 9 саяси қызметші отставкаға кетіп, түрлі деңгейдегі 33 басшы тәртіптік жауапкершілікке тартылғанын айтқан.