Сайлауда дауыс беру белсенділігі бойынша Жамбыл облысы көш бастап тұр

Бүгін Қазақстанда Мәжіліс пен мәслихаттар депутаттарын сайлау басталды. Орталық сайлау комиссиясының хатшысы Сабила Мұстафинаның айтуынша, Нұр-Сұлтан уақытымен сағат 16:00-дегі жағдай бойынша елімізде тізімге енген сайлаушылардың 52,5 пайызы таңдау жасаған.

Сағат 16:00-ге дейін өңірлерде дауыс беруге келген азаматтардың пайыздық үлесі төмендегідей:

• Ақмола облысы бойынша – 56,9%
• Ақтөбе облысы бойынша – 45,6%
• Алматы облысы бойынша – 58,0%
• Атырау облысы бойынша – 45,6%
• Батыс Қазақстан облысы бойынша – 53,5%
• Жамбыл облысы бойынша – 63,4%
• Қарағанды облысы бойынша – 58,8%
• Қостанай облысы бойынша – 62,4%
• Қызылорда облысы бойынша – 60,9%
• Маңғыстау облысы бойынша – 43,3%
• Павлодар облысы бойынша – 57,8%
• Солтүстік Қазақстан облысы бойынша – 62,4%
• Түркістан облысы бойынша – 53,6%
• Шығыс Қазақстан облысы бойынша – 62,0%
• Нұр-Сұлтан қаласы бойынша – 41,1%
• Алматы қаласы бойынша – 25,3%
• Шымкент қаласы бойынша – 49,2%

Сайлау учаскесіне қанша дауыс беруші келгені туралы келесі ақпарат жергілікті уақыт бойынша сағат 18:00-де және 20:00-де ұсынылады. Дауыс беруге қатысқан сайлаушылар қатысты алдын ала қорытынды ақпарат сағат 22:00-де ұсынылады.