ШұғылCOVID-19: Қазақстанда өткен тәулікте 800-ге жуық адамнан вирус анықталды

Биыл Қазақстанда көлік қымбаттауы мүмкін

Шикізат бүкіл әлемде қымбаттап жатыр

Фото: ашық дереккөзден

Қазақстанда биыл көлік қымбаттауы мүмкін. Көлік құны 10-15 пайызға өсуі мүмкін, деп хабарлайды Azattyq Rýhy тілшісі kolesa.kz-ке сілтеме жасап.

Ресейлік «Коммерсант» басылымы металпрокат құнының күрт артып, машина жасаушылардың шағымданып жатқанын жазды. Трактор мен комбайн өндірушілер үшін баға өсімі 35—50%-ды құраған. Автокөлік құрастыратын кәсіпорындарды да осындай жағдай күтіп тұр.

Ақырғы өнім қымбаттап кетпес үшін машина жасаушылар билікке жүгініп, металл жабдықтардың шығынын азайтуға мүмкіндік беретін ішкі тұтынушыларға арналған құбылмалы экспорт салығын енгізуді сұрамақ. Шикізат бүкіл әлемде қымбаттап жатыр. Мысалы, желтоқсанда Қытайдағы CFR темір кенін өндіретін базисте өнім бағасы 70 %-ға, ал Түркияда 73 %-ға өскен.

Өнеркәсіп компаниялары табыстан қағылмас үшін өнім бағасын көтеруге мәжбүр болады. Бұл жағдайда автокөлік екі есе қымбаттайды деп айту қиын, дегенмен көлік құны 10-15 % өсуі мүмкін.