Қазақстан «жасыл» аймақта тұр – Алексей Цой

Қазақстан тәуекелі төмен яғни, «жасыл» аймақта тұр. Бұл туралы Орталық коммуникациялар қызметі алаңында өткен онлайн брифинг барысында Денсаулық сақтау министрі Алексей Цой айтты, деп хабарлайды Azattyq Rýhy тілшісі.

«Тәуекелі жоғары аймақта немесе «қызыл аймақта» Атырау облысы қалды. «Сары» аймақта немесе тәуекелі орташа аймақта 6 өңір: СҚО, Ақмола, Қостанай, Павлодар облыстары, Нұр-Сұлтан мен Алматы қалалары тұр», - деді Цой.

Оның айтуынша, елімізде сауыққан адамдардың пайызы 87-ге дейін өсті. Маусым-шілде айларында бұл көрсеткіш 60 пайыздан аспаған еді.