Қазақстанның алты облысында ауа райына байланысты ескерту жарияланды

Қазақстанның алты облысында ауа райына байланысты ескерту жарияланды, деп хабарлайды Azattyq Rýhy тілшісі Қазгидрометке сілтеме жасап.

Нұр-Сұлтанда 21 желтоқсанда күндіз батыстан, оңтүстік-батыстан жел соғып, екпіні 15 м/с болады.

Ақмола облысының кей жерлерінде бұрқасын болады. Батыстан, оңтүстік-батыстан жел соғып, күші кей жерлерде 15-20, екпіні 23-28 м/с болады.

Батыс Қазақстан облысының кей жерлерінде тұман түседі.

Солтүстік Қазақстан облысының басым бөлігінде қар жауып, кей жерлерге тұман түсіп, бұрқасын болады. Батыстан, оңтүстік-батыстан жел соғып, күші 15-20 м/с болады.

Түркістан облысының кей жерлерінде тұман түсіп, жаяу бұрқасын болады. Күндіз шығыстан соғатын желдің күші секундына 15-20 метрге жетеді. Шымкентте 21 желтоқсан күні тұман түседі.

Қызылорда облысында түнде ауа температурасы -21-26 градус болады. Облыстың оңтүстігінде 17 градус аяз болады.

Маңғыстау облысының кей жерлерінде тұман түсіп, көктайғақ болады.