Павлодар облысында қар құрсауынан 16 адам құтқарылды

Павлодар облысының Ақтоғай ауданында Ақжол ауылының маңында ауа райының қолайсыздығына байланысты қар құрсауында 6 жеңіл автокөлік тұрып қалғаны туралы хабарлама түсті, деп хабарлайды Azattyq Rýhy тілшісі Павлодар облысы ТЖД баспасөз қызметіне сілтеме жасап.

«ТЖ орнына 8 құтқарушы 2 техникамен жедел жетіп, 16 адамды құтқарды. Азаматтардың ешқайсысы медициналық көмекке мұқтаж емес. Құтқарушылардың жедел және үйлесімді әрекеттерінің арқасында ешкім зардап шеккен жоқ», - делінген хабарламада.

Павлодар облысының ТЖД азаматтарға дауылды ескерту жарияланған жағдайда елдімекендерден шықпауға кеңес береді.