Қазақстанның 7 облысында ауа райына байланысты ескерту жарияланды

Қазақстанның 7 облысында ауа райына байланысты ескерту жарияланды, деп хабарлайды Azattyq Rýhy тілшісі Қазгидрометке сілтеме жасап.

14 желтоқсанда Солтүстік Қазақстан облысында тұман күтіледі. Батыстан соққан желдің жылдамдығы секундына 15-20 метрге жетеді.

Қостанай, Ақтөбе, Жамбыл облыстарында тұман түседі.

Ақмола облысында да тұман болады. Оңтүстік-батыстан соққан желдің жылдамдығы секундына 15-20 метрге жетеді.

Маңғыстау облысында оңтүстік-батыстан соққан желдің жылдамдығы секундына 15-20 метрге жетеді.

Батыс Қазақстан облысында тұман күтіледі.