Прокурор Қызылорда облысының экс-әкімін 8 жылға бас бостандығынан айыруды сұрады

№2 қалалық сотта Қызылорда облысының бұрынғы әкімі Қуанышбек Ысқақовтың ісі аяқталуға жақын қалды. Прокурор судья кеңесу бөлмесіне кетер алдында мәлімдеме жасады. Бұл туралы Tengrinews.kz хабарлайды.

Мемлекеттік айыптаушы экс-әкімді сегіз жылға бас бостандығынан айыруды сұрап, Қылмыстық кодекстің 190-бабы 4-бөлігінің 2-тармағы (Аса ірі мөлшердегі алаяқтық) бойынша Қызылорда облысының экс-әкімін кінәлі деп тануды сұрады.

Сондай-ақ, ол Қызылорда облысының экс-әкімін мемлекеттік, ұлттық және квазимемлекеттік ұйымдарда қызмет атқару мүмкіндігінен айыруды сұрады.

Сонымен қатар, прокурор соттан Ысқақовты орташа қауіпсіздік мекемесінде бас бостандығынан айыруға ауыстыруды, сондай-ақ мемлекеттік ордендер мен наградалардан айыруды сұрады.

Сонымен қатар, прокурор Қылмыстық кодекстің 28-бабының 5-бөлігі, 2-тармағы, 190-бабының 4-бөлігі бойынша Мұрат Имандосов пен Мұрат Делмұхановты кінәлі деп тануды және әрқайсына жеті жыл бас бостандығынан айыруды тағайындауды, сондай-ақ Жеңісбек Ысқақов пен Азат Досмаиловты осы баптар бойынша алты жыл бас бостандығынан айыруды сұрады.

Еске сала кетейік, 27 наурызда әлеуметтік желілерде Қызылорда облысының әкімі қамауға алынды деген ақпарат тарады.

28 наурыз күні Қуанышбек Ысқақов Қызылорда облысы әкі қызметінен босатылып, оның орнына өңір басшысы болып Гүлшара Әбдіхалықова тағайындалды.

7 тамызда Сыбайлас жемқорлыққа қарсы іс-қимыл агенттігі Қызылорда облысының экс-әкіміне қатысты қылмыстық іс аяқталып, сотқа берілгенін хабарлады.